TSSE Täzelikler

2023-nji ýylyň 27-nji dekabrynda ak mermerli Aşgabatda «Arkadag Serdarly bagtyýar ýaşlar» ýylyna bagyşlanan halkara ylmy-amaly maslahaty we sergisi öz işine başlady. Halkara ylmy-amaly maslahatyň we serginiň açylyş dabarasynda Hormatly Prezidentimiz Serdar Berdimuhamedowyň oňa gatnaşyjylara iberen çuňňur mazmunly Gutlagy okaldy.

Bu giň möçberli çärä ýurdumyzyň ministrlikleri, pudaklaýyn dolandyryş edaralary, häkimlikleri hem-de jemgyýetçilik guramalary toplumlar boýunça bölünip, degişli bölümlerde öz sergi ekspozisiýalaryny giň köpçülige hödürleýärler. «Arkadag Serdarly bagtyýar ýaşlar» ýylyna bagyşlanan sergä Watanymyzyň ösüşine, onuň at-abraýynyň has-da belende galmagyna mynasyp goşantlaryny goşýan ýaşlar gatnaşyp, olaryň ýylyň dowamynda bilimde, ylymda, sportda, medeniýetde, senagatda, oba hojalygynda, ykdysadyýetimiziň beýleki pudaklarynda, şeyle-de halkara derejeli ýaryşlarda, olimpiadalarda gazanan üstünlikleri we ylmy açyşlary açylyp görkezilýär.  

Türkmenistanyň Söwda-senagat edarasynyň 

  Metbugat gullugy.