TSSE Täzelikler

 2023-nji ýylyň 9-10-njy noýabrynda Türkmenistanyň Söwda-senagat edarasy bilen Türkmenistanyň Ministrler Kabinetiniň ýanyndaky Ulag we kommunikasiýalar agentliginiň «Türkmenaragatnaşyk» agentligi bilen bilelikde Türkmenistanyň Söwda-senagat edarasynyň döwrebap sergi zalynda Telearagatnaşyk, telemetriýa, habar beriş tilsimatlarynyň we teleradioýaýradyş enjamlarynyň «Türkmentel ─ 2023» atly halkara sergisi we ylmy maslahaty geçiriler. Häzirki wagtda bu halkara serginiň we ylmy maslahatyň ýokary derejede guramaçylykly geçirilmegi üçin degişli işler alnyp barylýar.

 Sergä we ylmy maslahata gatnaşmaga isleg bildirýän daşary döwletleriň onlarçasyndan otuza golaý kompaniýalar, şeýle hem «Türkmenaragatnaşyk» agentliginiň we onuň garamagyndaky edara-kärhanalarynyň, hojalyk jemgyýetleriň, hususy kärhanalaryň we telekeçileriň   kyrka golaýy  hasaba alyndy.

Türkmenistanyň aragatnaşyk we teleradioýaýradyş ulgamlaryny ösdürmek boýunça hyzmatdaşlyga isleg bildirýän kompaniýalaryň  teleradioýaýlymlary hemra aragatnaşyk ulgamlary arkaly dünýä ýurtlaryna ýaýratmak we göni ýaýlyma çykmak, öýjükli aragatnaşyk ulgamlarynyň ýokary hilli, iň kämil enjamlary, ýokary tizlikli geçiriji aragatnaşyk enjamlary, şeýle hem iri daşary ýurt kompaniýalarynyň öýjükli aragatnaşyk ulgamynda halkara aragatnaşyk, internet hyzmatlaryny amala aşyrmak boýunça   taslamalary serginiň myhmanlaryna hödürleniler.

 Türkmenistanyň Söwda-senagat edarasynyň

  Metbugat gullugy.