TSSE Täzelikler

     2025-nji ýylyň 6-njy martynda Halkara zenanlar güni mynasybetli Türkmenistanyň Söwda-senagat edarasynda zähmet çekýän zenanlara sowgat gowşurylyş dabarasy geçirildi. Bu baýramçylyk çäresi hormatly Prezidentimiziň zenanlara goýýan belent hormat-sarpasynyň aýdyň beýany boldy.

         Dabaranyň dowamynda çykyş edenler eziz diýarymyzda zenanlara döredilýän giň mümkinçilikler barada aýratyn nygtadylar. Bu ajaýyp çärede gelin-gyzlara hormatly Prezidentimiziň we Türkmenistanyň Söwda-senagat edarasynyň  adyndan baýramçylyk sowgatlary gowşuryldy. Zenanlar bu belent hormata minnetdarlyk bildirip, Döwlet Baştutanymyzyň alyp barýan parasatly syýasatynyň netijesinde ýurdumyzyň  barha gülläp ösýändigini, zenanlaryň jemgyýetdäki ornunyň mydama belentdedigini buýsanç bilen bellediler.

Türkmen zenanlary dürli ugurlarda – ykdysadyýetde, söwdada, senagatda, ylym-bilimde, medeniýetde we beýleki pudaklarda guwandyryjy üstünlikleri gazanýarlar. Türkmenistanyň Söwda-senagat edarasynda zähmet çekýän zenanlar hem öz yhlasly zähmetleri bilen Watanymyzyň ösüşine mynasyp goşant goşýarlar.

         Diýarymyzda giňden bellenilip geçilen bu halkara baýramçylyk ýurdumyzda zenanlara  uly hormat-sarpa goýulýandygynyň ýene bir gezek subutnamasy boldy.

Türkmenistanyň Söwda-senagat edarasynyň

Metbugat gullugy.