TSSE Täzelikler

         29-njy aprelde badalga alan «Türkmenistanda halkara ülňülerine laýyk gelýän hil üpjünçiligi» atly halkara maslahat 30-njy aprelde  öz işini dowam etdi. Bu maslahatda halkara ülňülerine laýyklykda hil dolandyryş ulgamynyň ornaşdyrylmagy we ösdürilmegi bilen baglanyşykly meseleler ara alynyp maslahatlaşyldy. Daşary ýurt kompaniýalary we halkara guramalary maslahatyň işine örän ýokary baha berdiler.

      Maslahata gatnaşyjylar Türkmenistanda halkara ülňülerine laýyk gelýän hil üpjünçiliginiň ýola goýulandygyny we barha ösdürilýändigini nygtadylar. Halkara maslahatyň çäginde  daşary ýurt kompaniýalarynyň uly gyzyklanma  bilen   gatnaşmagynda   geçirilen   işewür duşuşyklar hem ýurdumyzyň  halkara ülňülerine laýyk gelýän hil üpjünçiligine ýokary bahanyň, uly ynamyň kepilidir.

        30-njy aprelde Türkmenistanyň Söwda-senagat edarasynyň başlygy M.Gurdowyň we Germaniýa Federatiw Respublikasynyň «It fits - Organic Textile Partner»  kompaniýasynyň, Özbegistan Respublikasynyň Eksport edijiler Birleşmesiniň ýolbaşçysynyň, Şweýsariýa Konfederasiýasynyñ «E-traid»  kompaniýasynyň, Türkiýe Respublikasynyň «Discover Events» kompaniýasynyň, Gruziýanyň Poti şäheriniň häkimliginiň wekillleri bilen duşuşyklar geçirildi. Geçirilen gepleşikler söwda-ykdysady hyzmatdaşlygyň gerimini giňeltmek babatda baý mazmuna eýe boldy.

Türkmenistanyň Söwda-senagat edarasynyň 

Metbugat gullugy.