TSSE Täzelikler

          Häzirki wagtda  Türkmenistanyň Söwda-senagat edarasynda  2025-nji ýylyň  29-njy aprelinden  1-nji maýyna çenli dowam etjek «Halkara söwda we hyzmatlar»  atly sergi-ýarmarkasyna taýýarlyk işleri alnyp barylýar.

        Bu iri çäre Türkmenistanyň Söwda we daşary ykdysady aragatnaşyklar ministrligi, Türkmenistanyň Döwlet haryt-çig mal biržasy, Türkmenistanyň Söwda-senagat edarasy hem-de Türkmenistanyň Senagatçylar we telekeçiler birleşmesi tarapyndan guralmak bilen, esasy maksady – ýurdumyzyň we daşary ýurtly işewürleriň arasyndaky hyzmatdaşlygy ösdürmek, söwda, hyzmat we logistika pudaklarynda täze mümkinçilikleri döretmekden ybaratdyr. Şonuň üçin  hem bu sergi-ýarmarkasy ýurdumyzyň ykdysady mümkinçiliklerini açyp görkezmek üçin möhüm platforma bolup çykyş eder.

       «Halkara söwda we hyzmatlar»  atly sergi-ýarmarkasy işewürlik gurşawyny ösdürmekde möhüm ädimleriň biri bolmak bilen, ähli gyzyklanma bildirýän taraplar oňa gatnaşmaga çagyrylýar.

Türkmenistanyň Söwda-senagat edarasynyň

Metbugat gullugy.