TSSE Täzelikler

      2025-nji ýylyň 5-nji martynda Türkmenistanyň Söwda-senagat edarasynyň wekilleri Gwatemala Respublikasynyň Türkmenistandaky Ilçihanasynyň Söwda işleri boýunça geňeşçisi Stefani Garsiýa Ernandes de Elbey bilen wideoaragatnaşyk arkaly duşuşyk geçirdiler. Duşuşykda iki ýurduň arasyndaky söwda-ykdysady hyzmatdaşlygy ösdürmegiň mümkinçilikleri ara alnyp maslahatlaşyldy.

       Bu duşuşyk Gwatemala bilen Türkmenistanyň arasyndaky söwda we maýa goýum gatnaşyklaryny ösdürmek maksady bilen guraldy. Taraplar hyzmatdaşlygyň häzirki ýagdaýyna baha berip, geljekde bilelikdäki taslamalary durmuşa geçirmek boýunça pikir alyşdylar.

        Duşuşygyň netijesinde iki ýurduň işewür toparlarynyň aragatnaşygyny güýçlendirmek we bilelikdäki taslamalara goldaw bermek barada ylalaşyldy. Türkmenistanyň we Gwatemalanyň söwda we maýa goýum mümkinçiliklerine bolan gyzyklanmasy, geljekde iki ýurduň arasyndaky hyzmatdaşlygy täze derejelere çykarmaga itergi berer.

Türkmenistanyň Söwda-senagat edarasynyň

Metbugat gullugy.