TSSE Täzelikler

       2025-nji ýylyň 11-nji dekabrynda Türkmenistanyň Söwda-senagat edarasynda Türkmenistanyň hemişelik Bitaraplygynyň 30 ýyllygy mynasybetli geçirilen halkara forumyň çäginde Türkmenistanyň Söwda-senagat edarasynyň wekilleri bilen Serbiýa Respublikasynyň Halkara ykdysady hyzmatdaşlyk ministri N. Popowiç arasynda duşuşyk geçirildi.

         Duşuşygyň dowamynda Türkmenistan bilen Serbiýa Respublikasynyň arasynda söwda-ykdysady hyzmatdaşlygy ösdürmegiň mümkinçilikleri, özara gyzyklanma döredýän ugurlar hem-de bilelikdäki taslamalary durmuşa geçirmek meseleleri ara alnyp maslahatlaşyldy.

         Taraplar iki ýurduň işewür toparlarynyň arasyndaky gatnaşyklary pugtalandyrmagyň, özara söwda dolanşygyny artdyrmagyň hem-de hyzmatdaşlygyň täze ugurlaryny açmagyň möhümdigini bellediler.

         Duşuşyk dostlukly we işjeň ýagdaýda geçip, geljekde özara hyzmatdaşlygy ösdürmäge gönükdirilen anyk teklipleriň öňe sürülmegi bilen tapawutlandy.

Türkmenistanyň Söwda-senagat edarasynyň

Metbugat gullugy.