TSSE Täzelikler

2024-nji ýylyň 25-27-nji noýabry aralygynda Saud Arabystany Patyşalygynyň Er-Riýad şäherinde 28-nji Bütindünýä Maýa goýum Konferensiýasy «Durnukly ösüş ulgamyndaky sanly transformasiýasy: maýa goýumlaryň mümkinçiliklerine baha bermek» atly mowzuk bilen geçirildi. Türkmenistanyň Maliýe we ykdysadyýet, Söwda we daşary aragatnaşyklar ministrlikleriniň hem-de Türkmenistanyň Söwda-senagat edarasynyň  wekilleriniň gatnaşan bu çäresiniň guramaçysy bolup, Saud Arabystany Patyşalygynyň Maýa goýumlar ministrligi bilen dünýäniň 136 sany döwletini öz içine alýan, dolandyryjy düzümi 14 sany dünýä döwletlerinden ybarat bolan Maýa goýum çekmek boýunça agentlikleriniň Bütindünýä bileleşigi  çykyş etdi.

Dünýäniň 130 döwletinden 2000 müňden gowrak adam gatnaşan bu giň möçberli çäräniň dowamynda Bütindünýä bazarlaryndan ugur almak sessiýasy, ýokary derejeli wekilleriň tegelek stoly hem-de Maýa goýum çekmek boýunça agentlikleriniň Bütindünýä bileleşiginiň Aýratyn üstünlikleri gazanan taraplary sylaglamak dabaralary geçirildi.

Türkmenistanyň Söwda-senagat edarasynyň

Metbugat gullugy.