Halkara Parahatçylyk we Ynanyşmak Ýyly
20.05.2025
2025-nji ýylyň
16-njy maýynda Türkmenistanyň Söwda-senagat edarasynda türkmen-eýran parlamentara dostluk toparynyň başlygy jenap Abdoljalal Iriň
ýolbaşçylygyndaky wekiliýet bilen
duşuşyk geçirildi.
TSSE-niň
ýolbaşçysy M.Gurdow parlamentara dostluk topary bilen bu duşuşygyň
ýurtlarymyzyň arasyndaky söwda we ykdysady gatnaşyklaryň ösmegine täze itergi
berjekdigine we özara peýdaly hyzmatdaşlyk üçin täze mümkinçilikleriň
açyljakdygyna ynanýandygyny belledi. Şeýle-de taraplar işewürlik gepleşiklerine
we halklarymyzyň peýdasyna bilelikdäki
taslamalary durmuşa geçirmäge taýýardyklaryny aýtdylar.
Eýran tarapy şu
ýylyň maý aýynda Türkmenistanyň Söwda-senagat edarasynyň guramaçylygynda Gürgen şäherinde Türkmenistanda öndürilen önümleriň sergisiniň
üstünlikli geçendigini nygtadylar. Duşuşygyň dowamynda Türkmenistanyň eksport kuwwatyny
görkezmek maksady bilen şeýle sergileri yzygiderli guramak babatda pikir
alyşyldy.
Türkmenistanyň
Söwda-senagat edarasynyň
Metbugat gullugy.
2025 ýyl. Ähli hukuklar goralan
