TSSE Täzelikler

   2025-nji ýylyň  14-nji maýynda Kazanda  «Russia Halal Expo» halkara sergisi öz işine başlady. Bu çäre halal önümler we hyzmatlar pudagynda söwda gatnaşyklaryny ösdürmek üçin giň gerimli meýdançadyr. «Russiýa Halal Expo»  halkara köp ugurly sergisi bolup, dürli ugurlarda, şeýle hem halal önümlerini öndürýän kärhanalar gatnaşýarlar.

     Şu güne çenli türkmen kärhanalarynyň mynasyp bolan ISO we HACCP, «Halal»  halkara güwänamalary olaryň azyk önümleriniň hiliniň ýokarydygyna, ekologik taýdan howpsuzdygyna şaýatlyk edýär. Bu sergi türkmen öndürijilerine halal önümlerini halkara bazarlaryna çykarmak we dürli ýurtlardan geljek hyzmatdaşlar bilen işewürlik aragatnaşyklaryny ýola goýmak üçin aýratyn mümkinçilik berer.

    15-16-njy maýda Tatarystan Respublikasynyň paýtagtynda «Russiýa – Yslam dünýäsi: Kazan Forum 2025»  atly XVI ykdysady forumy hem  geçirilýär.   2009-njy ýyldan bäri giňden tanalýan  bu  forum özüni möhüm meseleleri ara alyp maslahatlaşmak, bilelikdäki taslamalary durmuşa geçirmek, maýa goýum mümkinçilikleri tanyşdyrmak, rus kompaniýalaryna Yslam dünýäsiniň ýurtlaryndan bolan hyzmatdaşlary bilen işewürlik gatnaşyklary pugtalandyrmak üçin amatly, iri meýdança hökmünde tanatdy. Türkmenistan üçin  bu forum Russiýa bilen söwda we ykdysady hyzmatdaşlygynyň ösmeginde, şeýle hem dünýäniň halal önümler bazaryndaky ornuny berkitmeginde möhüm ähmiýete eýedir.

                                                         Türkmenistanyň Söwda-senagat edarasynyň

                                                                                                    Metbugat gullugy.