TSSE Täzelikler

    2025-nji ýylyň 28-nji aprelinde Türkmenistanyň Söwda-senagat edarasynda TSSE-niň ýolbaşçysynyň  we  Kolumbiýa Respublikasynyň täze bellenen Adatdan daşary we Doly ygtyýarly ilçisi  jenap Ektor Isidro Arenas Neýranyň gatnaşmagynda duşuşyk geçirildi. Hormatly myhman Merkezi Aziýa ýurtlary, aýratyn hem Türkmenistan bilen hyzmatdaşlygy ösdürmekde Kolumbiýanyň gyzyklanmasy barada aýtdy.

    Duşuşygyň barşynda taraplar  özara bähbitli gatnaşyklary ýola goýmaga hemişe taýýardyklaryny nygtadylar. Şeýle-de Türkmenistan bilen Kolumbiýanyň işewür düzümleriniň birek-birege saparlaryny, özara duşuşyklaryň we maslahatlaryň geçirilmegini guramak barada  pikir alyşdylar.  Kolumbiýaly myhman Türkmenistanyň Söwda-senagat edarasynda 29-njy aprelde badalga aljak "Halkara söwda we hyzmatlar" atly sergi-ýarmarka we "Türkmenistanda halkara ülňülerine laýyk gelýän hil üpjünçiligi"atly halkara maslahata gatnaşmaga çagyryldy. Myhman  çakylygy kabul edip, ýokary myhmansöýerlik üçin türkmen tarapyna minnetdarlyk bildirdi.  

    Duşuşygyň ahyrynda hormatly myhmana täze bellenen ýokary diplomatik wezipesinde uly üstünlikler hem-de Türkmenistanyň bilen Kolumbiýanyň dost-doganlyk, söwda-ykdysady gatnaşyklarynyň pajarlap ösmegi arzuw edildi.            

        Türkmenistanyň Söwda-senagat edarasynyň

                                                                                                    Metbugat gullugy.