TSSE Täzelikler

2025-nji ýylyň 3-nji iýulynda Türkiýäniň Stambul şäherinde dowam edýän Türkmenistanyň eksport harytlarynyň sergisiniň ikinji güni hem ýokary guramaçylyk derejesinde üstünlikli dowam etdi. Türkmenistanyň Söwda-senagat edarasy tarapyndan guralýan bu halkara sergi iki ýurduň arasynda söwda-ykdysady gatnaşyklary giňeltmäge we türkmen harytlarynyň halkara bazardaky orny barada giň düşünje döretmäge gönükdirilendir.  

Serginiň dowamynda türk işewür toparlarynyň, daşary ýurt kompaniýalarynyň wekilleriniň hem-de ýerli myhmanlaryň gatnaşmagynda dürli duşuşyklar we işewür gepleşikleri geçirildi. Myhmanlar türkmen öndürijileri tarapyndan görkezilýän ýokary hilli önümleri bilen tanyşdylar.

         Sergide ýurdumyzyň dürli pudaklaryny öz içine alýan önümleri: dokma we ýeňil senagatyna degişli önümler, azyk önümleri, gurluşyk serişdeleri, himiýa senagaty, halyçylyk we beýleki ugurlar boýunça eksport mümkinçiligi bolan harytlar görkezilýär. Bu önümler sergä gatnaşyjylar tarapyndan ýokary gyzyklanma bilen garşylandy.

Türkmenistanyň eksport harytlarynyň sergisiniň ikinji güni dostlukly gatnaşyklaryň, özara ynamly hyzmatdaşlygyň berkemegine we täze ykdysady mümkinçilikleriň açylmagyna ýardam berýän netijeli ykdysady platforma hökmünde aýratyn ähmiýete eýe boldy.

Türkmenistanyň Söwda-senagat edarasynyň

Metbugat gullugy.