Halkara Parahatçylyk we Ynanyşmak Ýyly
01.05.2025
«Halkara söwda we hyzmatlar» atly sergi-ýarmarkasynda sanly ulgamyň sansyz mümkinçiliklerinden peýdalanylyp, bijeli bäsleşik yglan edildi. Bäşleşigiň maksady sanly ulgamyň üsti bilen sergini işjeňleşdirmek, gatnaşyjylary höweslendirmekden ybarat boldy. Sergi-ýarmarka gatnaşyjy telekeçileriň pawilýonlaryndan söwda edenleriň telefon belgileri bellige alynyp, sms arkaly kod paýlanyldy.
«Bijeli oglan aglamaz» diýilişi ýaly, ýeňijiler awtomatik usulda saýlanyldy. Bijesi çykan müşderiniň eline: «Sizi ýeňşiňiz bilen gutlaýarys!» diýen sms gelip gowuşdy, soňra ýeňijä söwda eden pawilýonyndan ýadygärlik sowgatlary gowşuryldy.
«Halkara söwda we hyzmatlar» atly sergi-ýarmarkasyna gatnaşyjylaryň ençemesi dürli sowgatlara eýe bolup, şeýle ýokary guramaçylyga eýe bolan sergi-ýarmarkanyň işinden hoşaldyklaryny beýan edip, türkmen telekeçilerine işlerinde üstünlikleri arzuw etdiler.
Türkmenistanyň Söwda-senagat edarasynyň
Metbugat gullugy.
2025 ýyl. Ähli hukuklar goralan
