TSSE Täzelikler

     2025-nji ýylyň 17-nji iýunynda Türkmenistanyň Söwda-senagat edarasynyň wekilleri Gazagystanyň paýtagty Astana şäherinde geçirilen “Merkezi Aziýa+Hytaý” formatyndaky işewürler forumyna gatnaşdylar.

         Bu halkara derejeli çäre Merkezi Aziýa döwletleri bilen Hytaý Halk Respublikasynyň arasynda söwda-ykdysady hyzmatdaşlygy ösdürmek, maýa goýum mümkinçiliklerini giňeltmek we täze işewür gatnaşyklary ýola goýmak maksady bilen guraldy.

       Foruma gatnaşyjy döwletleriň wekiliýetleri öz ýurtlarynyň ykdysady mümkinçilikleri, maýa goýum syýasaty we eksport-import mümkinçilikleri barada çykyş etdiler. Türkmenistanyň wekilleri hem ýurdumyzyň ykdysadyýeti, eksport mümkinçilikleri, energiýa, senagat we ulag-logistika ulgamlaryndaky hyzmatdaşlyga açykdygyny bellediler.

         Forumyň çäklerinde ikitaraplaýyn duşuşyklar geçirilip, dürli ugurlarda hyzmatdaşlyk mümkinçilikleri ara alnyp maslahatlaşyldy. Şeýle hem, söwda, senagat, oba hojalygy, ulag we logistika ýaly ugurlarda bilelikdäki taslamalary durmuşa geçirmek barada öňe sürlen teklipler uly gyzyklanma döretdi.

    “Merkezi Aziýa+Hytaý” formatyndaky işewürler forumy sebitdäki döwletleriň arasynda ykdysady hyzmatdaşlygyň pugtalandyrylmagyna we sebitleýin durnukly ösüşe uly itergi berýär.

Türkmenistanyň Söwda-senagat edarasynyň

Metbugat gullugy.