TSSE Täzelikler

Hormatly Prezidentimiz telekeçileriň işewürlik mümkinçiliklerini giňeltmek, hususy pudagyň ösüşini pugtalandyrmak we ykdysadyýetiň durnuklylygyny üpjün etmek maksady bilen giň gerimli çäreleri amala aşyrýar. Häzirki wagtda bu tagallalar täze üstünliklere eýe bolýar. Ýakynda Halkara parahatçylyk we ynanyşmak ýylyna gadam basmagymyz bilen hususy pudakda iş alyp barýan telekeçileriň birnäçesine Türkmenistanyň Söwda-senagat edarasynyň agzalygyna kabul edilmegi mynasybetli şahadatnamalaryň gowşurylyş çäresi geçirildi.  

Bu günki gün Türkmenistanyň Söwda-senagat edarasyna agza bolan  telekeçiler döwlet tarapyndan berilýän ykdysady goldawlardan peýdalanmak, halkara sergilere we forumlara, täze işewürlik taslamalaryna gatnaşmak ýaly mümkinçiliklere eýe bolmak bilen, ýurdumyzyň ykdysadyýetine saldamly goşant goşýarlar.

Türkmenistanyň Söwda-senagat edarasynyň agzalarynyň sanynyň barha artmagy bolsa, milli telekeçilikde täze ösüş tapgyrynyň bat alýandygy aňladýar. Çünki Hormatly Prezidentimiziň bimöçber  tagallalary telekeçileriň işewürlik mümkinçiliklerini has-da giňeltmäge we ýurduň ykdysady kuwwatyny ýokarlandyrmaga mümkinçilik berýär.

Türkmenistanyň Söwda-senagat edarasynyň

Metbugat gullugy.