TSSE Täzelikler

      2025-nji ýylyň 18-nji martynda Aşgabat şäheriniň «Ýyldyz» myhmanhanasynda «Türkmenistanyň geljegine maýa goýumlar» atly halkara forum geçirildi. Bu forumyň esasy maksady daşary ýurt we ýerli maýadarlary ýurdumyzdaky hususy pudaga çekmek, işewür gatnaşyklary giňeltmek hem-de ykdysady ösüşi täze derejä çykarmakdan ybarat boldy. 

      Forumyň dowamynda ykdysadyýetiň hususy pudagyna maýa goýmagyň mümkinçilikleri, döwlet tarapyndan telekeçilere berilýän goldaw, eksport mümkinçilikleri we hyzmatdaşlyk ugurlary ara alnyp maslahatlaşyldy. Şeýle-de foruma gatnaşyjylar bilelikdäki taslamalary durmuşa geçirmek boýunça teklipleri öňe sürüp, täze işewür gatnaşyklary ýola goýdular.

        Bu halkara forum Türkmenistanyň hususy pudagynyň ösdürilmegine we maýa goýum mümkinçilikleriniň artdyrylmagyna gönükdirilen möhüm çäreleriň biri bolup, daşary ýurtly maýadarlar bilen hyzmatdaşlygy pugtalandyrmakda möhüm ädimleriň biri boldy.

Türkmenistanyň Söwda-senagat edarasynyň

Metbugat gullugy.